最近熱播嘅韓劇《魷魚遊戲》，劇入面角色會收到一張卡片，只要打去電話號碼就可以參加遊戲。第一集講到孔劉喺地鐵站派卡片俾主角李政宰，觀眾發現電話號碼居然係真有其人，更令苦主近期一直受來電騷擾！
苦主接受韓國傳媒訪問，表示套劇播出後，電話同短訊24小時由朝到晚響個不停，紛紛打去俾苦主話想參加魷魚遊戲，令佢無奈又崩潰。佢聯絡Netflix負責人，對方回覆話正努力解決問題，不過於今日翻查《魷魚遊戲》第一集，該鏡頭仍然未被刪去。
另外亦有其他電話號碼同劇中相似嘅苦主，有一位苦主表示其號碼只有三個位相同，但仍然被來電騷擾，另一位苦主表示向Netflix索取賠償，指對方回覆賠償金為100萬韓元（約HKD$6,600）。
Search